Amò valch de la contessa de Doleda
Amò valch de la contessa de Doleda
Dapò i contaa, che l'era n ciastel ta Doleda e che i ciavai i era de stala te chi cougoi de sot l ciastel. Chi gregn anìe, con chi che i era taché, se i vedea amò dant pec egn. La contessa aea n ciaval bianch e la jìa le feste a ciaval a messa. Canche la é se n jita, l'à dit, che te Fascia e spezialmenter te Ciapao l'é na gran miniera de òr. I mures e i sasc piu bie de chist ciastel, i disc, che i li à duré a far sù l ciampanil de Dèlba.