Allgemeines plattdeutsches Volksbuch/Dat Dörp in Schnee. Von Klaus Groth

Still as ünner'n warme Dek
Liggt das Dörp in witten Schnee,
Mank dei Ellern schlöpt dei Bäk
Ünner't Is dei blanke See.

Wicheln (Weiden) staht in witte Haar,
Speigelt schläprig all dei Köpp,
Alls is ruhig, kolt un klar
As dei Dod, dei ewig schlöpp.

Wit, so wit dei Ogen reckt,
Nich ein Leben, nich ein Lut,
Blag na 'n blagen Häben treckt,
Sacht dei Rok na'n Schnee herut.

Ick mücht schlapen as dei Bom
Ahne Schmart un ahne Lust,
Doch da treckt mi as in Drom
Still dei blage Rok tau Hus.

                Klaus Groth.