Al me amison Baldissar Frigee
Carl'Alfons Pelliscion (1734-1818)
Al me amison Baldissar Frigee
Baldissarin, jutemm per caritaa:
mi no gh'hoo legn, e sont mezz mort del frecc;
senza fœugh, de sti temp, on pover vecc,
dirii anca vu ch'el pò domà stà maa.
Sont in stat de brusà tucc i toppiaa,
i cantir, i terzer che ten su el tecc,
o verament de pettamm là in d'on lecc
a cuntà i trav fina che ven st'estaa.
Quatter sciorscij, o gross o piscinitt,
mandemmi quanto prima, tant'assee
de scampà anmò de podè fà Sonitt;
e ve daroo l'onor che meritee,
perchè diroo con tucc in vos e in scritt:
chi m'ha salvaa del frecc l'è staa el Frigee.
https://archive.org/stream/bub_gb_P-Ag2RPuLg0C/bub_gb_P-Ag2RPuLg0C_djvu.txt