A un suo compadre che li voleva dar moglie
Fabi Vares (1570-1630)
A un suo compadre che li voleva dar moglie
In sti tû mariozz mì hó notá
on pass che è inscì on pochin perigoros,
anzi ol pezziga del vituperos
a damm mié tacconà a metà;
e in tutt i cas cont sti tû firugá
mì t'hó par on compagn prusentuos
e 's ved te vû anca tì scorlà sgiò i nos
e famm on becch sott specia 'd caritá.
No trûv sul calendari di mé agn
che debba tû mié inscì da mincion,
nè lassà fà el sensal da i mé Compagn.
De mûd te pû sparmì sti tû reson,
che con mì te ne vû fà trop guadagn,
parchè no vuj par cà simel smorbion
e mì ne son cojon;
che se la tûj e' vûj fà ona cria
che 'l marossé no vegna par cà mia.