A ona paiœura
Che sposa fortunada! Ona tosetta!....
Inscì me pias, inscì la va benon;
Ghe scurtaremm pœu dopo la socchetta
E faremm fœura on para de calzon.
E te lì che belee d'ona donnetta,
Che car facciœu! Coi man in orezion,
Ghe foo on basin, e lee che le permetta,
Gh'el foo de cœur, la sa, propi de bon,
E ti, tesor, ti, cara el me bambin,
Dessedet minga intanta che te basi;
Dorma, el me angiol, mi faroo pianin.
Ma quand te saret granda, e adasi adasi,
Te impararet a ricambià el basin
Te mel faret?.... La se desseda.... tasi.