A mia sorella

by Arnaldo Risi

Ti, fumand la sigaretta,
adree ai nivoj bianch del fumm,
te fee minga on poo el poetta?
Non te penset di volumm?

Mentre el fumm el se dondonna,
e el te scherza innanz e indree,
la toa ment non la ragionna !
Brutt penser non te ghe n’ ee !
Chè te porta in alt di mja,
coi sò ài, la fantasia!

I bej sogn, cara sorella,
che te fet in quij moment,
viaggiand a la pù bella
in d’ on mond pussee rident.
che mai vaghen in nagotta
come erfumm che fa el tabacch !
Che non abbien de scond sotta
el velen che tra giò fiacch !...
Chè, de solit, ghè el malann,
che, adree ai sogn, ghè el disingann.

Ma i fastidi e i trebuleri
che, di volt, te ghet an’ti
i^e, se sà, che, pù o men seri,
ghe n’ emm|tucc in sto mond chi !
che sien tucc come sto fumm
che, in principi, el par chissà...
ma, poeu dopo, el sò volumm
el spariss de chi e de là! De li on poo,
coss ne ven ? Ch’el se perd in del sereni