A lis polzettis sbellettadis
A lis polzettis sbellettadis
Zovenez voo, cho lais biel smaniant
par algunnis, chu parin tant garbaddis
scolaami me, ch’uus uuei contaa in t’un quant
la falsitaat di chestis scelerraddis.
Chees strezzis, chu su ’l chiaaf ij lusin tant
fuur des forans ai muartz lis han robbaddis
par culurij i mostraz lait voo cerchiant
lis suzzuris che han simpri parecchiaddis.
Al ij entre in chel pacchiuch, snachi di chian
spudacchie di zudioo, fuars anchi di piees
e impastin dut ad un ch’ul suliman.
In chussi fat sporchez fondadis stan
lis pompis di chustoor, chu fra poos mees
chu’l sool flaat dut lu mont stomearan.
GIOVANNI MISSIO (LAMB)