A Nuttina

by Gian Fadri Caderas

[ 80 ]

A Nuttina.

Hest trent' ans? Schi ais bain ura
D'banduner il muond riaint.
Üngün tschert non s'inamura
D'ün utuon usche melnaint!

Guarda pür intuorn bellina,
Scha qualchün tü poust s-choder,
Ma tieu cour ais fraida pigna,
Chi nun po electriser.

Cur chi guott' il nes adüna,
Cur be fodas muoss' il frunt,
Cur ün daint e l'oter chüna,
Ün s'adarcha sco 'na punt,

Tschert allura ün fo föglia,
Marmuognand in ün chantun,
Be qualchün, bain sainza vöglia,
'T fo soter per compassiun!

[ 81 ]

Hest trent' ans? Bandun' amia,
Ils tramegls e lur dalet,
Lasch' il sot ed eir la gia,
Cumpr' impe ün s-chodalet!

1859.