1993 წანაშ 27 ეკენია

by რამაზ კუპრა

რუსეფქ სოხუმ გეჭოფეს დო
აფხაზეფი სხაპუნა...
ამდღა რუსიშ ოსხუნური
თინეფს მითინ ვაჸუნა...

მეურაჸუდეს ოთურქეშა
რუსეფს მოჰაჯირეფი,
ჩილამურით ინგარა
თინეფიში შურეფი...

გომორძგვილი ნამთინ ვარე,
აფხაზა დო მარგალ შქას,
მის უძირ, ართ სხაპუნდას დო
მაჟრა ჯიმა ინგარდას...

ჟირხოლოსჷ გინატენა
კინე ხუტოლი დო ჯუნა,
იშენ მუშის ქოქიმინუნს
კოლხურ ზისხერიში ფუნა...