1798 (Le`wer do'd we' net frei)

Original Schreifweis
Es ist besser, daß wir fallen im Kampfe, als daß wir sehen das Unglück unseres Volkes und Heiligtums.
Mach. 1. 3. 59.

„Si muorden ons Kanner, si schènnen ons Fran,
„Ons sche'ssen se do'd oder spèren ons an,
„De' Blutthonn! A mir solle stel dat erdron,
„Wann déglech ons Schmot get a Schan ugedon.
„Mir Bauere gongen nach kèmols am Jach,
„Nach frei si' mer haut ons Feischt hu mer nach.
Am Land bleiwt net èng Sansculottespur,
„Dat schwiért iéch de Sche'fer vun Asselbur:
„Le'wer do'd we' net frei!“

Eng Schuddreng pakt d'Bauern, de' rondem do stin.
Stel gin s'ausenaner, a kè sét wo'hin.
An iwer èng Weilchen sin s'all erem do
Mat Se'ssel, mat Gafel, mat Fisik, mat Schlo.
„Hei sti mer zesummen, lo helef ons Gott!
„Fir d'Freihèt! a nidder mam Sansculott!“
Hir Fra'n stin entge'nt en, voll Bang d'Hènn gefâlt:
„Bleiwt! Scho'nt dach ért Liéwen!“ Mè d'Enfert erschâlt:
„Le'wer do'd we' net frei!“

Si wiéren sech daper, si schloen sech gutt:
An dach drenkt de Buodem vil freit Baureblutt:
An droen hir Kugeln den Do'd och durch d'Lûcht,
A me'en bir Se'sseln och liéweg Frûcht,
Et kommcn nej Feinden an 't kommen der me',
Vir zeng, de' do falen, erstèt èng Arme'.
„Erget iéch, Rebèllen, ferdamt tockeg Rass!"
So' schalt et eriwer. Hir Entfert de' ass:
„Le'wer do'd we' net frei!“
 
Si hate gehofft, wèll hir Sach wor gerècht.
Ongleckelech Bauren, wesst, Muocht gèt vru Recht.
Vun denen, de' muddeg wor'n ausgezun,
Do ko'men der we'neg mam Liéwen dervun,
An de' muss weichen der hârder Gewalt.
Lo stin s'als Rebèllen un d'Maurer gestalt;
Mè iér nach hirt Blutt fiérwt den Hèmechtssand,
Hâlt d'lèschtmol den trotzege Ruff nach durch d'Land:
„Le'wer do'd we' net frei!“

Demy Schlechter (1884–1923)