ქ. ნებითა და შეწევნითა ღ(მრ)თისათა, ჩუენ, მეფეთ-მეფემან პატრონმან როსტომ, და თანამეცხედრემან ჩუენმან, დედოფალთა-დედოფალმან პატრონმან მარიამ, ესე ამიერით უკუნისამდე ჟამთა და ხანთა გასათავებელი, მტკიცე და შეუშლელი და შეუცვალებელი წყალობისა წიგნი და სიგელი შეგიწყალეთ და გიბოძეთ თქუენ , ჩუენსა ერდგულსა და მრავალფერად და წესისებრივ ნამსახურთა ყმათა, თუმანიშუილს თაყასა და ძმათა თქუენთა, მდივანს ბირთველსა და მანუჩარს და დავითს, შუილთა თქუენთა ბაინდურს და გიორგის, ნასყიდასა და მამუკასა, შუილთა და შვილისშუილთა სახლისა ჩამომავალთა თქუენისათა, ყოველთავე.
მას ჟამსა, ოდეს მოგუიდეგით კარსა და მამულის წყალობას დაგუიაჯენით, ჩუენცა ვისმინეთ აჯა და მოხსენება თქუენი, შეგიწყალეთ და გიბოძეთ სომხითს ამოვარდნილის რამაზასი და გოჩიას კერძი მამული, რისაც მქონებელნი ჯილიზას სოფელში ყოფილან, ყოვლის მისის სამართლიანის სამძღურითა და საქმითა, წყლითა, წისქუილითა, ველითა და ვენახითა, ნასყიდითა და უსყიდითა, საძებრითა და უძებრითა, ყოვლის მისის სამართლიანითა, უნაკლულოთ, ვიდრე მთითა ბარამდის. გქონდეს და გიბედნიეროს ღმერთმან ჩუენსა ერდგულათ სამსახურსა შიგან.
აწე, უზედესთა მოგახსენებთ და უქვედესთა გიბრძანებთ, დიდნო და მცირენო და კარისა ჩუენისა ვექილ-ვეზირნო და სომხითის ტარუღანო და მელიქნო, და სხუანო მოსაქმენო, დღეს ვინგინდა-ვინ იყვნეთ და ანუ დღეის წაღმა ვინგინდა-ვინ იქნებოდეთ, მერმე, ესე ჩუენგან ნაბოძები მამულის წიგნი და სიგელი თქუენცა ასრე დაუმკუიდრეთ და დაუმტკიცეთ, რომე, რარიგადაც ამა ჩუენგან ნაწყალობევს ფარვანში ეწეროს. და ნუოდეს ნუ შეუშლით და შეეცილებით. არაოდეს არ მოგეშალოს არა ჩუენგან და არც შემდგომად სხუათა მეფეთა და მეპატრონეთაგან.
ვინ იცის, ან ამას წინანდელი და ან ამას უკანდელი ამ მამულის წიგნი გამოჩნდეს, ამა ჩუენგან ნაბოძებს სიგლით გაგუიცუდებია და მტკიცე ოდენი ესე არის, თუივინიერ თანადგომისა და შეწევნისაგან კიდე.
დაიწერა ბრძანება და ნიშანი ესე ქორონიკონსა ტკგ, თიბათვის იდ, ჴელითა კარისა ჩუენისა მწიგნობრისა ყორღანაშუილის მერაბისითა., ესე ასრე გაგითავდეს.
ხვეული ხელრთვა: როსტომ
გვიანდელი მინაწერები:
- ქ. ამ წყალობის წიგნის ასლი, მე, თუმანისშვილს, მდივნის გორჯასპის შვილს, მანუჩარსა მაქვს.
- ამა წყალობის ფარვანზე თათრული ბრძანება და წყალობა ეწერა და ეგრეთვე ბეჭედიც იჯდა.
- ქ. მეფესგან ნაბოძები წყალობის წერილის ასლიდგან უმეტნაკლებო გადმოვწერე. უღირსი მღვრდელი ტერ-სვიმონ ტერ-ოსეფოვი მოღნინის ეკლესიისა.
- როსტომ მეფისაგან ნაბოძები წყალობის წიგნის პირი არის, ჯილიზის სოფლისა.