,,მუხამბაზი“

{{header | title = მუხამბაზი |author = აკაკი წერეთელი. |notes = ორიგინალური ნინა [[ქორთული]. ორიგინალური ჯოხოდვალა მუხამბაზი. გინმათანგალი ნონა ჯანაშია }}

გვერდი შარა მა რინაში გუალი,
ჭაფურიაში უმოსი შხამი დუალი.
მუს მიჯოხო ჩქიმ დუდიში მორცხა,
ღურასუნ უჯგ კოჩქ ორინჯის ქოგდა.
ვამოთხუ ჭირი, ოწუხებელ ბრელ მაფუ,
იშენ ირო იბძიცანქ მა, ვემგარქუ.
მის გაშინე ასა-გასაში ჭუა,
ყოროფილი ქაფდა ღურელი ჯგუა.
ქოიჩქუნანო ჩქიმ ყოროფილი მირენი,
ჯვეშ ზისნახე - ამდღა რულენჯიშნერი.
კუჩხუჩაფლე, დუდშე ქიცა ელაფირი,
გონქირაფილი რულშე, ჭარა ელახვილი.
მუნუორექუ დუდის წირსფალი მუში,
თიშ სიცოდილი ალდაჩხირო ბჭუნსი.
მარა იშენ იბძიცანქუნ ირო,
მაძირაფუს გინართ გასაკვირო:
,,ჩილამური ოსკვანსია გურმოჭვეს,
იძიცანსუნ, ვაშუნია ონჯღორე.’’
მუ უჩქუნა თე გური ღურელი რენი,
ძიცა მინშა რე ნგარაშე ნწარენი.