***შური ორე
შური ორე თინერჲ ტიბუ,
მუჭოთ ნანაშ ჰამო კართე,
ანთასნერო მტახჷნს სქიბუ,
შარა ოკო გეკოვჩართე.
გინმოჯინე არძა გვალა,
ირო თირი ეწმომხვადჷ,
შურიშ დინოხ მიკნავალაქ,
გალე ორთა ეკოხანტჷ.
ჰავა ინგარს, მუჭოთ ლილუ,
შუშელი რე არძა დოლო,
ბორჯიქ კირდას ქიმკმოხვილჷ,
თოლით ვაბძირჲ თიში ფოლო.
დო მა სქანდა ვემუვანჭი,
ლექინჲ ვარდჷ ნარღიშ ღალა,
დუდჲ დივფორი, მუჭოთ ჸანჭიქ,
ანწჲ შურდგუმა ვამინძალა.
2014 წანა, ღურთუთა.