*ჩქიმ ნარღი
ჩქიმ ნარღი ჩქიმ იშო ვარჩქუდასჷნ,
მუ ძივთი აღვენუ
თიშ გორჩქინას.
მა ჩქიმ იშო ვაორექ-და,
ხვალე ჩქიმს ინოხვილირ
სქილედი,
მის გინართინუანს დუდშულერო.
ვარა ზიტყვაქ დუმაჸუნალ დო ელმაჩამალიშ ბონას
დონწყუალაშ უმოსობა ვეგინტირინუ-და,
ეს არძა მენცარ შილებუანდ ხომ.
მა მუ იმწკჷმა?!
ორაგადეს გუმარჩქინე, გორჩქინელი, ღურელი,
გინოთირელ დო გათელებულ ვენვოფინ-და,
მის მუშო ოკო გოსქირაფილ
ნინარეფიშ, არზეფიშ რჩქილა დო მოთოლორაფა?!