*ჩქიმ დუც ართშა
ჩქიმ დუც ართშა გამვოჩირთი.
ჩქიმ თელარას, დაჭყაფუსუ.
სო გუვჸოთი ლერსიშ ჭვირთი,
მუნაფას რე, მაჩხაპუსუ.
არძა ორკე გემინჯამუ,
მუხურ მიბლი ვეშე-ვეშა.
ამდღა რინა გემიჯანუ,
გორგალშა დო ათე ხეშა.
მიდგარენეფ ვამოჰამუ,
აწმაგვარგვას მუზმა ნტერი.
მა მეკენჯო მეულ ჯამუ,
ქაწიფაფრთხე ოკო ტვერი.
ქაჯი ირო ონტერ რჩქინას,
ავთანდილ დო ტარიელეფც.
ბორჯი აკანც ქიმურჩქინანც,
მოცარტეფც დო სალიერეფც.