*ჩილამურჲ ელნაქოსა რე
Jump to navigation
Jump to search
ჩილამურ ელნაქოსა რე,
ჩქიმ ჭუაშ, კაბეტჲ, ოჩეში.
დიხას გეძჷ გვერიშ ოსარე,
ართ ნოღართია, ნოჯვეში.
ოწონდე აკომილებუ,
მოჭიშე არძა ბორჯიში.
დიო რშვენს მიშაბტყობუდი
ართ სქვამ, მოჭითე ხოჯიში.
მა კაკაცალო დობსქვესჷ,
მინ მოგორეს დო მოცქვესჷ.
ოშ ჯიხა მაფუ ნატახა,
ბჟას ვოზნახუდი მოსქესჷ.
ერემიშ ბჟათჷ მიშუმუ,
საფულეფქ აკიფორჩესჷ,
ფასქუნჯიშ ფსუა ქიფჩანე,
ცას ქელვაზიმი მორჩესჷ.
მუზმა ტოლოფი მიკიბლი
კინ წკონდაშე დო წირდაშე.
აკობზეს დიხაჭუბერო
დო აკობჭაბეს დიხაშე.
მა ირო რინა მოკოდუ,
სოთინ ვაორდინ თიმ დღაშე.