*ღურუშ მარწკინდით ორე შანილი
ღურუშ მარწკინდით ორე შანილი
ირკოჩჲ დო ორე ნგარა-ნწვალება,
ეჩდოვითჲ ვარჩხო გიმოჩამილი
კინე ღორონთქჷ მუჩეს ალება.
ცოდათ ნახა დო ცოდაში ნარდი,
შარაშ გინორთას ვორექ რწაფილი,
შურიშ პეული დო შურიშ ვარდი
ხეს ეშამიძჷ გოხუმაფილი.
რჩქინა ვამიღ დო ხვალე იმენდი,
ცოდა გუმორე ირო ჩხოროფათ,
სქან გოსოფური სინთეშ სიმეტი,
კინე ეთმოფშანც, მარდიშ ჭყოლოფათ.
გოზნახუქ, რსხება ქიმიწადინე,
მუ შვანც გირთუნა შურჲ დო სქილედი,
ათე ღურუშა მუთას მანტინე,
მა ცოდას ვორექ მიკნასქილედი.
აკა ხვამა დო აკა წირუა,
ჩქინ რინა, ღორონთჲ, ეშნორძვე ხეშა,
იჸუაფ შურიშ ეშაწირუა
დო სქან სიმართე ცოდეფიშ გეშა.