*ქინოფსკიდი თორსა, ჩირეს
ქინოფსკიდი თორსა, ჩირეს,
დო ფირქეფით ხან მოკორდუ.
ბრელ მოკოდჷნ, ბძირი ჭიჭე,
ჭიჭე ბძირინ, – ბრელ მოკოდუ.
ვალიებე მიჩქუ ბრელცჷ,
ცაშა გირძე შარა მებუ.
ვაწუჸოთა კირიბ გერცჷ,
შურ ინგარც დო მეჩიებუ.
არძა მიჩქუ სო რე ჭარა,
მიქ დინუ დო მიქჷ მორთუ.
ქიმკოჭვებუ დიხას ქვარა,
ისოფუ დო იკილოთუ.
კურცხე რინა ნოკობუე,
უკმელა დო უჩა სერცჷ.
მინ მონჭა რე, მინ კობუ რე,
მუკმოლუ დო მუკმოცენცჷ.
უბენარი ჸოფე ირო,
ლენიშფერ ცა – შურიშ ონწე.
ჭვემათ მოულ, მინშა თირო,
ღორონთ არძა აკანც მორწყე.
ცას გეუნჯანქ ნოთე თოლეფც,
ეჰამებუ პეულც ჯინა.
გობჭყოლადუ მელენ, მოლენ,
მარა ართ დღას ქიგიბშინა.