*სქანი(ი) სანთელო! სი ქორშჷუნო
სქან(ი) სანთელო! სი ქორშჷნო, კუჩხი კუჩხის გილარდგი ნი?
მოსვასვილი, მოკვანწილი ჟი ბალკონსჷ გილარდი ნი?
მა ეულირი ბოში ვორდი, სი უწიფული ცირა რდი ნი?
თინა ვარა ვა გიჩქჷნო, ჩქიმი გურიშ კჷლა რდი ნი?
შური ჩქიმი შულადილშო მაშვანდებელ(ი) ბინა რდი ნი?
თოლჸშა ვა მომიოლჷდჷ ნი, სი ჩქიმოთჷ თინა რდი ნი?
დიო ხოლო იმენდი რე, ჭიჭეს ვარა ქორშუდეე.
შხვაშა ირო ქომისხუნუქ, სი დანჩხჷრსჷ ქობჭუნდეე,
ატარამო მუკურდეე, ჩქიმი ზისხჷრს ქოშუნდეე,
დო მა ირო თინა მოკო, ირო გურსუ ქორჭუნდეე
დანჩხჷრო გოულირი ვორექ; ნოტე ჯიხას ვონდუდეე,
ვარა დიხას, ვარა ცასჷ, სოლეთინი ვონჭუდეე
ვარა ჩქიმო, ვარა შხვაშო, ნოტე მუთუნს ვორთუდეე,
ვარა ღურელს, ვარა თელსჷ, აკას მუთუნს ვორგუდეე!
თენა ცოდა მუჭო ვარე, თეცალს კოსუ ორთუდეე?
მარა ენა მუთ მიმოჩქჷ, უკულჸ ვა დმოკორდჷდეე?
ღურადღაშა ქოგიჯინექ, გვალო ვა გჷგოჭყორდჷდეე.
გურსუ ვარა ვა დორჭუნსო, უსქანეთჷ ბჭყორდჷდეე?
ინა ღორონთქ ნუმუ ქიმინჷ, მა სი ვა გოცოდუდეე