*მუ ბღოლუა ათე გურს
მუ ბღოლუა ათე გურს, მაჭარცალო ფუნცუნი
დო ჸოროფა დინახალე, შურმალაფო პუნცუნი.
ქვერსემ ხიოლ ინოხვილ ათე ტომბა გურცუნი,
მოშქურ ვაგომიხორცქას, ახავაჲ ჩქიმ დუცუნი.
ჩე ანგილოზ გილაფხე მარძგვან განშე, ხუცუნი,
მუ სქვამი რე – ალმობირანს, ჰამო ნინათ ჸუცუნი,
უბადობას ვემკომინჭანს, მიწკონდირენს შურცუნი,
სქან დო ჩქიმ შქას აშარენ, ჩქინ ჸოროფას რდუნცუნი.
ეთინა რე ჩქიმ მინჯე, შურც ენმომიდგუნცუნი,
ვამათინაფუანს დღას ჩქიმ სარხოშა ფურცუნი.
სერით ხოლო ვამტალენს, გურიშ კარწკმა ჸუცუნი,
ვამიჩქ, თოლ მინჯანს დო ვარ მიშუვოხექ ლურცუნი.