*ვემვაზიმი შხვაში
ვემვაზიმი შხვაში განსჷ,
შხვაშ გლახაშა ვამკო ჯინა,
დობღური-და, მუდგა რდასჷ,
ვამორთა დო ვამკმოჯინა.
ჭუას კინე გური ხანსჷ,
თეზმას გურზას- ვა რე რკინა,
ხაბოს ინიხირხინანსჷ
თოლშქირატილჲ ჩქიმი რინა.
ხო, ხო, ხო, ხო ხინტკირს მტახჷნს,
ლეხარე რე დო დუდჲ ვიბორჲ,
ნარღჲ ღურაშახ ქიმკინახჷ,
გილაბრთი დო გილეფხიბორჲ.
ვეწიძირე შურიშ კანტჷ,
მარეხეთჷ ვორექ გვალო,
ცას ხურჭკუმი მიკოხანტჷ,
ხიბულჲ მარწკინიაცალო.
ქიგმოჭესჷ რინაშ ხართი,
ბორჯი მეურც ამდღა-ჭუმე,
წოხლე გემიძ შარა ართი,
ჸეთის ოკო ქეკვაჸუნე.