*ერჩქინაშ ბორჯის
ერჩქინაშ ბორჯის ვამკითხენა: მუშენ მორთია?!
მიხაზირენა ალიართენც ჸათე ორინჯე,
ხვალე ართი რე ჩქინ დუდიში მინჯე-მორდია,
კოჩჲ ქორექჷდა სქან კორინეფც ოკო ორჯგინე.
გეშვაშვალანა წყარიცალო არძა ნარტეფი
დო ნოფაცალო გეთართალანს ჩქიმი სქილედი,
ჸათე გორჩქინა მუმალიშა ვარე მარტები,
უჩურცხალი რე, ირიათონც მიკნასქილედი.
ცოდა იზირუ, მუჭოთ შვანი, მაღორებელი,
გოღანელჲ დღაშა მუშოთ გოკო თიში ჸუნაფა,
გინმოჯინენა კონდიდიშე ღურუ გებენი
დო ჩხანაიას ქიგნაფორუ უჩა მუნაფა.
2014 წანა. 2 მელახი
ოფუტე სალხინო