*გურიშ მუკმაშველებერი შორს პუნსჷ დო მაფუ ძვირი
გურიშ მუკმაშველებერი შორს პუნსჷ დო მაფუ ძვირი.
ითამუ ქიჸუაფუნო, ღირსი ვორდე ძირაფაში!
ხამი კოჩი მიმტყუნენსჷ, ვე გილაკვე ჭირი შხვაში.
ირო ვორექ მოწყენილი, გილაფრთი დო შური პკაში,
ცოცხალო რე დატანჯული ჩქიმი გური, ჭვირი დღაში.
იმენდი მიღუ მეხვადუქ, სით მუთუნი ქომიწეი.
უბარათეთ ვა დოპილა, თანაგრძნობა გამიწეი.
სქან ნაჭარას პკითხულენქ, ირო აწჷმაძირექი.
ნიტე დღას ქორძირუნქო! წეპკითხინი თაში ფთქვეი.
მუს მიკეთენს ცოდას ვარა, არძა ქოფშუ ნარაგადუ.
გურქ სქანდა ქოფურინუ, შურქ ქვარას ველეცადუ.
მა თაურე ბღურიკონი, ტერ-მოჯგირე ვა მიგარდუ.
სქან ნაჭარაქ მანუგეშუ, გჷმარჩქინექ დაგიმარდუ.
ხიბულა. ივლიტა კიტია. 1921