ჸოროფა ჸოროფაშ უკული
ქომოურს შვანი,
მუჟამც სი, ბედინერი,
ქიმიაზადუქ სქან დუდს
სქან ჸუდეშ კარწკუმა, სქან სარკეშ დინოხ,
დო თქვა გოუძიცანთ ართიანს: მინილი,
ქუდოზოჯი, უწინთ ართიანს, ოჭკომი.
დო ქიჸოროფუანქ კინე ურცხოს, ნამუთ სი რექინ.
ქიგლუდგი ღვინი. ქიმეჩი ქობალი. დოურთინე სქან გური
მუშ მინჯეს, შხვაშ თურს, ნამუსით უჸორდი
ედომუშ რინას დო სი ირო
შხვეფშა თირანდი, ვარწყედი; მარა არჩქილე ის.
გეგლარღვი თაროეფშე ჸოროფაშენ ნაჭარა ჭარილეფი,
სურათეფი, ნარღუან ინნაჭარეფი.
გეშაჩოლე სქან სახე სარკეშე.
ქიგლაზოჯი. ქიხარი სქანი დუდი, სქანი შურდგუმა.