ხვალე ვორექ
Jump to navigation
Jump to search
ხვალე ვორექ.
მიარე კათა გუმაფაფუ მუკი-მუკი, მარა იშენ,
ხვალე ვორექ.
მა ვა გუმაფაფუნან, იფაფუნა დო
თექ ვორექ მა ხოლო.
კათას თოლეფით ვურაგადუქ -
მიკიჯინით თქვან გოლუაფირო,
ქენმოჯინით, ამარ გივორექ მაქ,
მარა ვაჸ! ვა მორწყე მითინ.
თაქ რენა, მა ხოლო თაქ ვორექ,
მარა სოთინ ვა ვორექ.
აბსურდი რე ირფელი,
თე ძიცა, თე ლაჸაფი, თე ალარნა,
თენა ირფელი კინ შურდგუმილეფიშ ოძირაფალო
დოდგუმილი სპექტაკლი რე.
ღურელს მუ გათელენს,
ვა რენ ის მუ გარჩქინანს,
ულირს მუ დართინუანს...
თებულ რე იშ ამბე,
ირიათონო წკურილი რე თიშ თოლეფი.