ჭიჭე ცირაში ზალამი
1.
ჭიჭე ცირაში ზალამი
ვო, მუთუნო გინმორთინუასია!
მაფშალიათ გინმორთინუასია!
მაფშალური ქჷდმოგურუასია
დო თე ბაღჷს ქენმოხუნუასია!
2.
მაჸალე
ჯგირი მაჸალე თინა რე,
-- დო უწოლე მა თისია, --
მაჸალეში გურიშენი
მი კჷლურსი დანჩხჷრსია.
3.
ზესქვი
ღურჭულუუ ზესქვი უჩა,
ნჷნძგჷ მორჩე, კუდელჲ ფიჩა!
ონჯუას ჩეთჷ ვა დიჸურჩა,
ვარა ჭუმე მა სი მუ რჩა?
ვა გოკონი ჭა დო ფურჩა?
4.
გერი დო გინი
გერი სოროს ინორე,
ჟიშე გინი გინორე.
გინი ნჷ რე რჷნტჷ, შერი,
უპოტინუანსჷ გერი!
ორე გერი იში ტერი.