ცაშხაში სონეტი
ცაშხა ჩქინი რე, ცაშ დღა რენდო, ჩქინ დღა რე ამდღა,
ჯვარც გეგნიწერქინ, დაჭყაფუსი კინი დაჸუნი,
ვარა მის უჩქუ ნამ დაჭყაფუ თეს გიაჸუნუ,
ვეშქარჩიებე ართიანშე გითიღანც ნამ ჯღას.
ჸირფელ ათესი ქედეკვირი ოდო ხე ვაღა,
გურ ქიგუდვი დო თე გიშალცი სით ქალაჸუნი,
მის უჩქ, სოდე რე გამართება დო გიშაჸუნი,
დო მალიმარცი გიკინებდას სი სკანი კვაღა.
ოშ ჸუჯ გიღდასი მაულარცი დო თაშ გილართი,
ვედეფირქენ თეშ ბიჯ ვეგნოდგა სი დღასი ართი,
ქირქეში დუცი მიხვადუნა ჩქი თე გილულა,
პეულც ბგორუნთი ჯგირ რინაში, ქირქეში დუცი,
ოდო გილურთი, ართი ბიჯიქ დოიჩირთუდა,
ჯგირო მიძირდა, სკან საქვარი შხვანერო ურცი.