ცალი თოლამი ირემი
ცალი თოლი დაჸვერებული ირემი მერჩქვანელი რდუ დიარუას ზღვაპიჯიშ გოხოლუას; ათაშ უმოსო უშქურანჯეთ გინაფულენდჷ დუდს. მუჭოთ წესინ, ირემი მუშ ართი თოლს მიკმართიანუანდ დიხა ჸურე, სოვრეშე შეულებუდ ძირუკო მაჯინი, ვარა წიარინ. მაჟრა თოლს, ნამდგათ ვარწყედჷ მუთუნსინ, ირემი მიორთინუანდჷ ზღვაშ ჸურე, სოვრეშე ველუდჷ მუთუნ უბედრობასჷნ. მეჩხომექ, ოძგალეშ ხოლოს მენჩურუნდუნ თეშ, ქოძირჷ ირემი, ჯგირო ქიგეუწურუ დო ოღურალო დონჭყოლჷ ქასაგანით. ღურაშახ ირემქ თქუ: „ვავა, მუ უბედური ვორექ! თეშნერი სითხილა გიმიფრჩქინ დიხაშ განშე დო უმოს უშქურანჯობაშ მაგორალქ, ზღვაშ პიჯიშახ ქუმოფრთი, თეშნერ ოშქურანჯი აკანშა. “
მინშა ხიფათი მოურს თი განშე, სოვრედგაშე არძაშე ნორკებას ელუქუნ.