ჩქიმ ცხოვრება ათაშიე
საქორთუოშ ისტორიას
სამარგალოშ ვგორუნქ ჯინჯეფს,
ღორონთუმე გამაშერენს
მითაჟამიშ სიმახინჯე.
მუქ აღოლეს ვაგმაგინუ
ჩქიმ წინაპრემს, თე ჩქინ ჯინჯემს,
ჩქინ ნაჭარა წიგნეფიშე
გეიშალასეს, გეიშარგინჯეს.
ამდღა ხოლო სამარგალოს
ბრელი გითმუტახუნს ბიჯგემს,
ხოჯიშორო გილვოგაგანთ
გილავღორანთ, ვგორუნთ მინჯეს.
ჩქიმ ცხოვრება ათაშიე
დიო შარა მიძუ გინძე,
თე ქიანაშ დიდა ვარდას
მა ვორექ ჩქიმ დუდიშ მინჯე.
ვქეიფენქ დო ლერსის ვჭარუნქ
ჯიმა ორდას ვამწანს ღიჟე,
კოჩი რექ დო, სი ქუგგალე
ჩქიმი გური იორინჯე.