ჩქიმ სამარგალო
Jump to navigation
Jump to search
გელატიბ დო გელაჩხან,
ჭიხ განდღულუ ჩხორიაქ,
გილეკარკალ ქურუმხან,
შურ მიხირუ ბორიაქ.
ცას ქუმუდვალ ლენიშფერ
ძიქვა, ჩეფერ გინოჸუნს.
ზოთონჯი რე ასე ეფერ,
გურშა აფუნ მინმოჸუნს.
გინ მირულე ოთხირეს,
ნოჸელს ქოთომ გილაჸონ,
ჯარგვალს ჸვალეფქ გოსქირეს,
ფაცხას ბიგა მიკოპონ.
დაფის ბაღრე მითისოფ,
ჭუკ იტკუმორ მაღაზას,
კვაღაქ დიშკა შკას გოსოფ,
ბაბუ თუთუმს გვარგვაზანს...
ბჟას გინულებ ურთაშ გვალა,
დუდ მეუღუ ზუღაჸურე,
გოუფალუ თაქ გურს გვალო.
ხვალე ათაქ მოკო ბღურე!
ზუგდიდი 12.18.2013