ჩქიმ ბაღანობას ოკო შეფხვადე

From Wikisource
Jump to navigation Jump to search
ჩქიმ ბაღანობას ოკო შეფხვადე
by ზაალ ჯალაღონია
284507ჩქიმ ბაღანობას ოკო შეფხვადეზაალ ჯალაღონია


თუთა იჩიებუ ოჩიებელს,
თუთა ინორე თუთას.
თუთა იჯინე,
თუთა ინგარს დო
ონთეშ ფერ გინოძ
თუთას.

ტანი მარდუდუნ, თუთათ ირდუდუ.
მიკობაშკუდუ ცას ართინერი.
მალეცერენდუ
ორქო ჩხორიათ.
ბჟაშე მარზენდუ ბჟას.

თუთა ფუცქინუნც,
თუთა იჯინე.
დო ისიროტათ ჩანს.
შარა გინძე რე დო ულიებუ,
ჩქიმ ბაღანობა თექ გილერულე.

შულადირ დიხაშე ჩე ჯა ხურთქინა
ოწონდეს ჭოფუნს თოლით.
ოკო შეფხვადე მა თი ბაღანას.
ოკო შეფხვადე.
ბრელ ნაფურცელა წანეფშე აფ
გიშაულარი.
ოკო შეფხვადე.
თე მონკა რინა მუმალშე ვარა
ქომუქექუე.