ჩქიმ ადის დო ჩქიმ ნანას
შინკა ჩე დო ყვინთელ შინკა
მითოლეკჷ შქა ჸვანას,
ოხიოლდეს თიშ სვართუა
ჩქიმ დადის დო ჩქიმ ნანას...
დად მეშარეს დუძახჷდჷ:
მოზოჯ, შინკა ჭკუმი, ნანა,
ოონჯღორეთ მიორჩქჷდეს
ნეძიშ, შინკაშ გიმოჩამა...
სინჩხე გაჸი ნანა-სქუა,
შინკა რგილი ქიმლეჭკუმე,
ხოლო აშო გემნოზოჯი
მიკილენქჷნ შუკას ჭუმე...
ვემკაშქვანდეს უჭკუმურო
მიკმალ-მუკმალ ბაღანას,
ვანარღუდეს თენა შურო
ჩქიმ დადის დო ჩქიმ ნანას...