ჩქიმი ღორონთი
უბადო დო შური წიკვილი,
რინას მითი ოცილ, ორჩჷ,
თე ქიანაში გჷმარჩქინექჷ
არძა გიმე ქჷდაფორჩჷ.
სქანჲ ბჟალარაშ გაფაჩალო,
ჩქიმჲ ფაცხაში კარეფჲ ვონჯი,
ირფელი გურშა იბხუტოლე,
მუთ მიზალჲ დო მუთჲ მიზოჯი.
ცა დო დიხაში ართინერო,
მოჸოროფე ვორექ კოჩი,
ჩქიმჲ ფანიას ქოურგებე დო,
ჩქიმი ნახანდი, ჰამასჷ ქოფჩი.
ენა მის რე ვაუჩქჷნი,
უჩილათ რე ხვალე ბორჯი,
აზრი ვემმარკა, ჩქიმჲ ღორონთი,
ვარა გვალო ამაბორჯი.