ჩქიმი დაბადება რინა კუნტათ მოშინაფილო
გიჩქჷდანი მა ვორექჷ დჷნაბადჷ ობუჯიში,
ჯიშ სოლეთინ ვამძახჷდჷ ხანგაში
დო როგუნჯიში.
ჩქიმი დაბადება სერს დიხა-უჩა აკომორსე,
ტყაშმაფას კუჩხ გეჩილათდო
კჷრდეს დუდუთ ქალაქოსე.
(ბედ მუთ გიღუნ ვადგართინე,
უფი ვარე გამკიქოსე.
იშენ ვადგაკირე მუდგა უფერუე-ალამოსე).
დაბადება გაბჭირებუ, თურმე
ვორექ გჷნათვალა,
ჩქიმ ყიაფდო გორსიმნაფე ცა
დო დიხა, ზღვა დო გვალა.
ვორექ ჯვეშით ამშვ არგუსოშ,
ცაშხა დიდიშ გჷნაფალა,
ხასიათით დო სახეთ ვორექ
დიაჩქიმიშ ალა-კვალა.
დიდაქ მა ქიგმოღურუ დო
გოხოლუთუ დადიშ ნარდი,
ომბოლიშ კვარქ ვეჭუანი ორე
ჯვეშიშ ნარაგადი.
ფშკირენდ²და, პუმენდ²და,
მითინც მუთუნც ვემდუღანდი,
გაჭირება მობხვადუდდა,
ქომოლურო გინიბღანდი.
თექ მინთხორ არძო ართო დადი,
და დო გჷმარჩქინე,
მუთ ვორექჷნი არძაშ უმოსი
ბაღანობა გჷმაშინე.
ობოხუათ წყარს მინიფში კუჩხის
ვებშოლუნდინ თეში,
(ნარჩა კუჩხის მისოფუნდუ
გილნარულას შარაშ ხრეში).
გჷმაშინე, ჩქიმ სოფელც, ძღაბ
მიჸორდჷჷ ართი რინტუ,
მუზმა წანას ფთხოზუდიდო ართიქ
ხეშა ვამაკინდუ.
ჩქიმ ცოდაში ეშაჭვილქ² დროDშე
აშო გეგნოზგირტუ,
ჯუნაქ ხოლო ვამაჭიშუ, ქომონჯიშა
თეში ინტუ.
ზუგიდიშა მოლაბრთიდო ოჯახჷსჷ
მეფთხი ხენი,
დღას მითინი ვამწუხებუ (ასეთ
ვამკო ვაწუხენი).
შურო კოჩი ქობჯოხოდა ზუგდიდქ
მუჩუ თე კოჩანა,
(ეს დიდ მეჭირნაფა ოკო, ენას
სოთინ ვაგმოჩანა).
ობუჯ დჷმაბადებელი, ზუგიდ
ჩქიმი მარდუალი,
ჟირი ხოლო ჩქიმი ორე...
(ვარა მი პუნც მართუალი).
ართ ძღაბი დო ართი ბოში, ჟირ
სქუა პუნც ხვათახვალე,
ჩიჩიობაში დღას მუთუნი შურ
ვეკმანთხანს უკახალე.
თოლო ვამაძირუაფუ
ტყურა-ტყურაშ მორაბადე,
ბწანს დო მიჸორს პიჯიშ კოჩი,
მართალიში მორაგადე.
თეჯგუა კათა ჭე ქოპუნსუ,
ხოლო მოკო მიბძინენი,
მარა თიჯგუა დროს ვორექ,
ვამიჩქ მუჭო გირზინენი.
1998 წ.