ჩარცხაშ სონეტი
ხეშქაგურც მაფჷ გეჭარილი ჩქინი გორჩქინა,
ჸათე ქიანას ანთასიშახ ჯოხო დიბთირე,
ართი ზიტყვა დო სქან გურიში კორთხოს დიმნტირექ,
მორო ბრელჲ ქოფშუ ანდანერი ტყურაშ მოჩინა.
სარკეს ვუჯინექ, სქანი სახე დინივარკალჷ,
დიო წირფე რექ, ვეკუწიკჷქ დიო ორინჯეს,
ქოთქვი, თე წანეფქ უჩქიმობათ მუჭო გორჯგინეს,
პიორეფცალო ჸოროფაქჷ მუშენ ვაფალუ.
ვემიბკორინე ბორიაშა ნარღიშ ჸუნაფა,
სი სოლე იდი, გინგოჯინე ნამ ცაშ მუნაფა?
სი- ჭალაბერი, უბადობა, ალბეთ, გოჭარეს,
მა ჩარცხა ვორექ, სამანჯელი ბრელი ვამიღჷ,
ანწ ქჷდმაჸუნი, თაქ შურდგუმა შუროთ ვაღირჷ,
მინშა შქასერცჷ ვათირანცჷ ჰამო ოჭმარე.
2014 წანა, 7 ფურთუთა. ოფუტე სალხინო.