შურქ გუმატიბას
შურქ გუმატიბას ჰამო მუსიკათ,
თოლშე ქომცუას ჸოროფაქ დუღაქ,
ითამ-დო ორდას გოღანერ გარას
სქან თოლშე მოფუნდჷ ჩილამურეფინ...
ჭვენდას გოკონ-და, გურს ქომტიბუ-და
სქან ენორზამილ დაჩხირიშ ალი
დო მუკე-მუკე ირკოჩ მიჸორდას,
ბრდუნდას დო ბრდუნდას ათე გინაფა...
ათე ქიანას მიარეფერო აკორღვაფილო,
იშენ ართ ვორეთ, ართ ქვერსემ გაღაშ
შხვადოშხვა ნორთი, შხვადოშხვა კუნთხუ.
ართ დაჩხირბურთიშ ჩხორიეფ ბრდუნა...
მუდგა სანგარო ვაგოჭირდასუნ,
ქორშუდას ხიოლ, ლილუს ალარენ,
ხვალე თიშო ღირჷ ათე შურდგუმა,
თიშ წკონდა თოლეფ ალებჟალარენ...