შურით ვა დუანთხუქ
შარას გივორექო მადინაფუს,
მებდინაფუ რინაშ ნირზიშ ეღებინ?!
გურ გოსქანჩელე დო ზისხერ ვა ფუნს,
ღორონთქ ქიმმეხვარას ეგებინ...
წანეფს ქიგნოდვალუ ლიგე წყარიშფერი.
ართ დღა, მაჟრას ირო მუჭო გუ?!
არძა ართი მაფუ ვორწყექ, დღა დო სერი,
შურიშ ღალა მუქ რე გომჯოგუ?!
იშენ აკობგორუ ღარჯილს ჩქიმ ინოხ დო
შურით ვა დუანთხუქ შქა შარას.
ზუღას გეგნოფჩურუ მა გინოხ დო
კუჩხის ქიგებდირთუქ მანგარას!