ქირჩქილექო მალახია?
ღურა გვალო ჸოფე ეფი
თოლწკურილო მერტინელი,
ეჰ, ვამჩქუნო, მალახია,
ცაშა რინათ ვერტინენი?
მუს ოხვარნა სისმარეფსი–
ნარღიშ ჭითა მუმულეფი,
ქუგობონდღაფ ქიანასი
ჭკვერ დო ხანგაშ ბორულეფი!
სი სარალო, მალახია,
ბირა ხოლო დომჭყოლ ჭარაქ,
ვოხექუ დო ვამარჩქინუ –
თე ლერს ხოლო მიშო ბჭარა...
სო იბრტა დო მის ვახოლა
ნჭყოლირ გურიშ შინაფათი,
მუთა მომიღ ცაშ დო შურიშ
მუკი–მუკი შინაფაქი...
ღურა მინშა წამალ ჸოფე,
ბრელო ნოჯგვე რჩინაფასი!...