ქირსექ გენათჷ!
ქირსექ გენათჷ! – ჰამენია!
- კინოხჷ უგამ შურტიბ მარგალს.
ქირსე ჟინცას მიანჭუდჷ დო
თოლჲ მეთხოზუდჷ თიში ვარვალს…
წკონდა გური მარდით ეფშა,
ირო ჸოფე მარგალიში,
ხვამელჲ ჸოფე, ათეშ გეშა
ნტერს ონჯარუდჷ ძალამ თიში…
გჷნაქირსიანეფჲ ვორეთჷ
სიმონიშ დო ანდრიაში,
თეცალჲ მარდი ძალამს მოფირქ,
ჩქინ ქიანას ანწ მი აში?
ვემერკებდას ჭყოლოფუა
ღორონთიშ მარდჲ მიდგას გალენჲ,
უმულას რდას მეხვამუა -
- ქირსექ გენათჷ!
- ჰამენჲ, ჰამენჲ!
24.04.2011წ. ზუგდიდი