ქირსე
ხვალე ღორონც ნოჩქვედუ,
ხვალე თარაშჲ ნება რდჷ,
მერეთჲ სერი ჸოფედუ,
მუჟამც ქირსექ დებადჷ.
ანგელოზიშჲ ნანგარა,
ცას მურუცხის ხანტჷნდჷ,
დიდას ლილუ ბაღანა,
ბოგას აშუჯანჷდჷ.
რდჷ სანწალე ბორია,
ჩხურუ რდჷ დო ჸინჷნდჷ,
არძა ჯაქვაბორია
დიხაშჲ თუდო დინჷდჷ.
კანთი მიშჷნ ნოღაშა,
ართჲ მუთუნშა ღირდუა,
"მერთითია ბოგაშა,
ქირსექ ეგვირჩქინდუა".
არძა ჭყეში ორწყედ დო
ანგილოზეფქ უჯინეს,
უკულჲ ფსუა გონწყეს დო
ცაშა გეშახურთქინეს.
2014 წანა, ღურთუთა.