ქვერსემ მურიცხიქ...
ქვერსემ მურიცხიქ ოშქაბანეთ გვალეფც ქინანთხუ.
გვალეფქ მუ ღოლან, თეზმა მუჭო აკიწირხანი.
სი გიჩქ ბორია, მინშა მუშენ ალმორშვინანქჷ,
წანეფც უჩქუნა, ჩქიმი უჯგუშო სოლე იდანი.
აწმაგვარგვასჷ ირფელი დო ნწერილ კუმა რე,
მუზმას უჯინა, თენათ მიჩქუ მუთა გუმალე.
ზია ცას უღუ, უკულ დიხასჷ გინოხუნუე
ზვე, გოჟვარილი ბრელ მაფუნა ეკაულარი.
ნამ ეკოღვარანც დიო ნამთინცჷ შურქჷ ვაქალჷ,
ასე ჩქიმ ინოხ, ჭიროთეფი ინოფორჩუნა.
არძას ოფუტე ინანტირე, ინივარკალჷ,
ზესქვიშ ჩილამურ მუ ჭიჭე რენ თენათ ქომჩქუნა.
ნორცხვა გურიშე გიშამლებუ, აკნაგიბაშე,
რზაფაშ ყილოეფქ ქია-ქიათჷ აკისოფესჷ.
იზარზალჷდჷ ჩქიმი ტანი-ფერთი დიხაში,
ზარგენთხაფილო გილამრთუმუ ათე სოფელცჷ.
გილნაწარწალა, მარა იშენ მა უშულადუ,
გილნაწირედი ჸოროფაშე, ორთაშჲ ნოჭვეთი.
გენდღულაფირი, თართალია ვორდი ფულანდი
დო მა ჸოროფაშ დაჩხირითჷ იშო დობჭვედი.
ქვერსემ მურიცხიქ ოშქაბანეთ გვალეფც ქინანთხუ.
გვალეფქ მუ ღოლან თეზმა მუჭო აკიწირხანი.
სი გიჩქ ბორია, მინშა მუშენ ალმორშვინანქჷ,
წანეფც უჩქუნა, ჩქიმი უჯგუშო სოლე იდანი.