უჩქიმეთ
აკისერ დო მუმულიში
ჸიონუას ურჩქილექ,
დისერჷდა, მუ ფქიმინა,
კინ გოთანდ უჩქიმეთ.
ჸუდეში ჭიჭე ოსინთეშე,
მუნაფილ ცას უჯინექ,
თენა ხოლო ვამონარღ-
გობჟათჷნც უჩქიმეთ.
ფირქეფი დო არზეფით
ჭკუას ტყურათ მუქინე,
ქარ-ბორიას ჟინი ორთა
დარჩქალუანც უჩქიმეთ.
რინა მითინც ვაუკითხირ-
უკითხირო გოფრჩქინექ,
ღურა ხოლო სოდგარენი
გინომჭყვიდეს უჩქიმეთ.
მათ ქდომტეს ოქიმნალი,
ჭიე-ჭიე მუდგარენი.. ..
ყებურც დაჩხირი ქოშქირტჷდა
შური ოკო უმბარენი.