უსირინე ქიანა
ე უსირინე ქიანას, მიქ აწუძირუ გოთანა,
ჟინოთა, ჟინოთარეფი, გიშნაგორა დო თარეფი,
ჟირგანშე აწმავალუნა, ვერჩე ვარჩხილიშ წყარეფი.
ცას გაქთუღალუ ჯღალი დო ჩქიმ გინოფორუ ჸალეფი.
გეშქირატელე მუნაფა,
გოსისინაფე ჩალამი.
ე უსირინე ქიანას მიქ აწუძირუ გოთანა.
ხეფორჩა ეკოკართელი, ჩხომც ინვოჭოფა ფოთქვის,
ეჭარჭულერი ვორექო? ჩხომც ვაგური-და
ქოთქვითჷ.
ეწვართილიე ჩე გვალა,
ტანც გაციორუ ლეხერი.
მინ მოურც ვანაფეროთჷ,
მინს იშო ვაკო ხერხელი.
ე უსირინე ქიანას, მიქ აწუძირუ გოთანა?
გებჩილათუნა ბორჯეფი,
კინ დიფრთათია უნელო,
ჩქიმ ზიტყვა გოძუ ქიანას
მუჭო ხინჯი დო ღულერო.
ხოლო მიკიბლი ართიშა
ტანც პეულ გინოქუნელო.