უგჷნურობა
ირი უბედურობაში
ართი ბანძღილი ოგვაჯე
რე ირო უგჷნურობა,
ირი გლახაშ მომაჸანჯე.
ჩხუპი, ერია–მორია
არძა თიში მიზეზი რე,
თინა სოდეთი ქორენი,
დიდი მანებელი ორე.
თინა ორე მაზადალი
ირი გლახა საქვარიში,
თიში ენაზა ირდიხას
რე მაჸვილარი გურიში
უგჷნურობა ჯინჯი რე
ტერალა დო ზარალიში,
თინა ორე გჷმმაღალე
შხამი მაწამალარიში.
შეულებუ წაჸონება
თისჷ დიდი ნახანდიში,
ირდიხასჷ რე საჭირო
თხოზინი დო ლჷმა თიში.
უგჷნურობას ასწორენც
შეძინება გურაფაში;
ჯგჷრიშ გურაფათ შილებე
გაჯგჷრება ქიანაში.
ათეშენი ირკოჩქ ოკო
ეცადასჷ გურაფასჷ,
ირო ჯგირიშ ცქვაფასჷ დო
ოგორაფუშ გორაფასჷ.