სქანი რინა ლანჯი რენ დო
Jump to navigation
Jump to search
სქანი რინა ლანჯი რენ დო
ჩქიმი ეთი ლანჯიშ ორო,
გურშა გურით გემაზად დო
გივაუნათ შარას წორო.
ჩქიმი რინა წყურგილე რე
სქან სისმარიშ ენაულა,
წყარიშ დიდაშ ნაკუჩხურ რე
რგილ ინგირშე ეკნაულა.
ჩქიმი გური სქან გურიში
ხონარ რე დო
შურიშ ღალა,
ჭყანათ ბირგულს მეჩამილი
იმენდი რე -
ვამონჩალა.
სქანი რინა ლანჯი რენ დო
ჩქიმი ეთი ლანჯიშ ორო,
გურშა გურით გემაზად დო
გივაუნათ შარას წორო.