სქანი მარდის გილაპუნთუ
ირფელც სინთე გაბარჩხალუ
მუთ გარჩქინ დო მუთ ქიმინი,
სქანი მარდის გილაჸუნცუ,
შურუდგუმ დო შურდგუმილი.
უსქანეთჷ ჯალეფი ხოლო
ვეხერენც დო ვაპირანცჷ...
გემოს ხოლო სი მიშუდგუ,
მაფშალიაშ ნაბირასუ.
აკა სი გიღჷ ირფელიში,
ძირაფა დო რჩქინაშ ნება...
სქანზმა მითინც ვაფიქრინე,
კოცჷ მუქ მეჩჷ თიშ შელება.
ჸოროფათი მიხერხინე,
ღორონც ჭიჭეთ ქაგურენი,
შური ირსხე დო ღურა დღაშა,
საონჯღოროთ ვაღურენი.
ოკო თიზმას ქინინტირე,
კოჩიშ დუდი მუსუთ განჭუ,
მართალი შარას გეფჩირთით-და
თე ქიანა აკიპანჯუ.