სქანი თოლფი
,,სქანი თოლეფი... სქანი თოლფი ,
სქანი თოლეფი ტრუპანტი რე ,
ურყი ტყას ქიმბთობლენი,
იშენი სოთინი ვამარტინე.
გენდენიმოკო , შქურინიმაფუ ,
მუთუნფერო ვამანდინე ,
გური კიდირსუ ინორტყაპუ,
გურტყურათ ვამადინე.
ზისხირს ბოგიშ-ბოგიმობუ,
სანთელშორო გუშნაგორა,
ვამოსაჭირ მონჭაკობუ,
ოშინოორიშ ეკნანკორა.
მიჯინექი მაზაკვალი,
სქანი თოლეფ იკვნთირირე,
ჩხე გინაფაში ნაკვაკვალა
ოროფაში ჯას ომანთირე.
მიჩქ , ფხალუნქ , მიჩქ , ბჭვალუნქ ,
მიჩქ , რინას მითხინუა ,
მიჩქ , მუჭოთი გომჭალუნქ ,
თინერ თოფის მირხინუა.
ქორთხულენქი , ვაგაოთა ,
ღორონთი ქორწანსუ და შურო ,
იშენი ვამარტინე , სოთა,
თინერი შურით გილმოშურა