სიზიფე
უჸოიჭარე სიზიფე,
სი უხორცე, სი ჭიფე,
ეკი-დიკი ქუანტკილი
თეზმა მუჭო გილანთირი.
მიშე რექ, ათეცალი,
სათოისეროთ წვალებური,
უნაჸოფოთ შულადირი,
რინა ვადაცალებური.
ათე ქუა გვალო შხვა რე,
თენა ჭარაში გამორსა რე,
ვამუწყინდა ნთირუას;
მითინქ ვამგაღორასჷ დო
შხვაშა ვაგოითირუას.
ჭარაში ქუაშჲ ღალა უჯგუ
წყარპიც ქვიშაში ცირუას.
კინე ეშე ქელადირთი
ბჟა დო თუთაში ჩხორიას,
ათენერი ხანდა ოკო
უჩა დღაში მორიას;
უოღალე, ბურდღაცალო,
ქოჸუნაფ ბორიას.
...
რჯულო ჩქინობურა რექ,
შურჲ ენორდგ მარგალიში,
ჩქი ართი ოღალ მუმობუნა,
ვაკობცჷმუ ანგარიში.