სესია (ალიოშა კვარაცხელია)
ჩქიმი ჯიმა სესია,
მუ გოჭე დო მუ რღოლესი,
ქოგიწიინქ ჭესია,
შხვაშო ხაჩქ, შხვაშო ბარგ,
შხვას ეურღვა ღერცია,
ირო ჭვიტე კილაგანც
სქან მაღაზაშ ჭერცია,
თავადი დო ჟინოსქუა
ვემერჩანც ხერცია,
ირო შხვაშო მუშენქინი
მუ მერჩანც ხვესია.
პატონობაქ მედინუე,
ტყურა გაღორესია,
რკინაში უღუ გერდგჷდჷნი,
ითამ გეგონწყესია,
ფულანდი ქიმშაფუნესი დო
კინჷ ქიგერდგესია.
მუ გოჯინ, სესია,
ხე ქიმეთხი ტერცია,
მანგარც ქიდუუძახუდენი,
ის გეურაჸ ფერსია.