გარდაიცვალა ჰერაკლე და გამეფდა მისი შვილი კონსტანტინე. [ამ დროს] მტაცებელ თავდამსხმელთა ჯარი ასურეთის მხრიდან ხეობის გზით ტარონის ქვეყანაში ამოვიდა და დაიპყრო იგი, ბზნუნიქი და აღიოვიკი. მათ გეზი აიღეს ბერკრის ხეობაზე და ორდოსპისა და გოგოვიტის [გავლით] აირარატს მოედვნენ. სომეხთა ჯარიდან ვერავინ შესძლო ეს სამწუხარო ამბავი დაბა დვინისათვის ეცნობებინა. მხოლოდ სამი მთავარი - თეოდოროს ვაჰევუნი, ხაჩიან არაველიანი და შაპუჰ ამატუნი, რომლებიც მიდიოდნენ გაფანტული ჯარის შესაკრებად, გაიქცნენ დვინში, მიაღწიეს [მდინარე] მეწამორის ხიდს, დაანგრიეს იგი; თვითონ კი გადავიდნენ და სამწუხარო ამბავი [ამცნეს] დაბას. მათ ციხეში შეკრიბეს მთელი ხალხი, რომელიც ყურძნის საკრეფად იყო მოსული...
სებეოსი
Jump to navigation
Jump to search
![](http://upload.wikimedia.org/wikipedia/sources/thumb/0/01/%E1%83%A3%E1%83%AA%E1%83%AE%E1%83%9D%E1%83%A3%E1%83%A0%E1%83%98_%E1%83%9B%E1%83%90%E1%83%A2%E1%83%98%E1%83%90%E1%83%9C%E1%83%94.png/300px-%E1%83%A3%E1%83%AA%E1%83%AE%E1%83%9D%E1%83%A3%E1%83%A0%E1%83%98_%E1%83%9B%E1%83%90%E1%83%A2%E1%83%98%E1%83%90%E1%83%9C%E1%83%94.png)
![](http://upload.wikimedia.org/wikipedia/commons/thumb/5/54/Grigorkhlatetsi-full.jpg/150px-Grigorkhlatetsi-full.jpg)
უცხოური წყაროები საქართველოს შესახებ
საქართველოს ისტორიის სომხური წყაროები
(VII საუკუნე)
VII საუკუნის სომეხი ისტორიკოსი სებეოსი ავტორია "იმპერატორ ირაკლის ისტორიისა", რომელშიც მოთხრობილია სომხეთის ისტორია ბიზანტიის იმპერატორების მავრიკე კეისრისა (582-602) და ჰერაკლე კეისრის (602-641) დროს. თხზულების ბოლო ნაწილში კი, რომეშიც თხრობა მიყვანილია 661 წლამდე, გვხვდება ცნობები ამიერკავკასიაში არაბების გამოჩენის შესახებ. თხზულება გარკვეულ ცნობებს შეიცავს საქართველოს შესახებაც.
1971 წ. კრებულში 1971 - მრავალთავი - ტომი I გამოქვეყნდა ელენე ცაგარეიშვილის მიერ შესრულებული სებეოსის თხზულების იმ ნაწილების თარგმანი, რომელიც საქართველო-არაბების ურთიერთობას შეეხებოდა.
პუბლიკაციები
სებეოსი
თავი 40